३० वर्षीया महिलालाई बलात्कार गरेको आरोपमा त्रिपुरासुन्दरी गाउँपालिका–६ का २४ वर्षीय भुवन बस्याललाई प्रहरीले कात्तिक १२ गते गिरफ्तार गरेको छ ।

दशैँको बेला पाहुना लाग्न गएका बस्यालले सोही घरकी महिलालाई कात्तिक १२ गते बिहान बलात्कार गरेपछि स्थानीयको सहयोगमा गिरफ्तार गरेको जिल्ला प्रहरी कार्यालयका सूचना अधिकारी डिएसपी लोकनाथ तिम्सिनाले जानकारी दिनुभयो ।

पीडित महिलाले कात्तिक १२ गते बस्याल विरुद्ध बलात्कारको आरोपमा जिल्ला प्रहरी कार्यालयमा उजुरी दिएको डिएसपी तिम्सिनाले बताउनु भयो । पीडित महिलाको स्वास्थ्य परीक्षण कात्तिक १२ गते धादिङ अस्पतालमा गरिएको छ ।

सीताराम अधिकारी