धनगढी – युवाहरुको कुटपिटबाट गम्भीर घाइते भएका कैलालीको लम्कीचुहा नगरपालिकाका २२ वर्षीय युवकको मृत्यु भएको छ ।

प्रहरीका अनुसार लम्कीचुहा नगरपालिका वडा नम्बर ३ का २२ भरत तिमल्सिनालाई बिहीबार राती जानकीनगर गाउँपालिकामा स्थानीय केही युवकले कुटपिट गरी गम्भीर घाइते बनाएका थिए ।

घाइते तिमिल्सिनालाई उपचारका लागि नेपालगञ्ज लैजाँदै गर्दा मृत्यु भएको इलाका प्रहरी कार्यालय टिकापुरले जनाएको छ ।

इलाका प्रहरी कार्यालय टीकापुरका प्रमुख प्रहरी नायब उपरीक्षक मधुसुदन न्यौपानेका अनुसार युवकलाई कुटपिट गर्ने कार्यमा संलग्न भएको आशंकामा ३ जनालाई पक्राउ गरिएको छ ।

पक्राउ पर्नेमा स्थानीय मानबहादुर चैधरी, केशव टमटा र शमर चौधरी रहेका छन् । घटनाका बारेमा थप अनुसन्धान भइरहेको प्रहरी नायव उपरीक्षक न्यौपानेले बताए ।