2020-11-03
२४ वर्षीया यूवतीलाई बेचबिखन प्रयास घटनाका आरोपित कनकासुन्दरी गाउँपालिका– ६ जुम्लाका ३५ वर्षीय हरिमान कामीलाई प्रहरीले गिरफ्तार गरेको छ ।
आरोपितले यूवतीलाई विवाह गर्ने आश्वासन दिइ, ललाइ फकाइ घरबाट भगाएर नेपालगञ्ज लिने क्रममा कात्तिक १८ गते जुफाल विमानस्थलबाट गिरफ्तार गरिएको जिल्ला प्रहरी कार्यालयका डिएसपी राजु पाण्डेले इन्सेक प्रतिनिधिलाई बताउनुभयो ।
घटनाबारे पिडितका बुबाले भन्नुभयो,–‘आरोपितले आफ्नो थर रोकाय र आफू अहेव हुँ भन्दै महिनामा ३५ हजार तलव हुन्छ भनेको रहेछ । विमानस्थलमा प्रहरीले नागरिकता जाँच गर्दा छोरीले आफू ढाँटीएको थाहा पाएर नजाने भनेपछि विवाद हुँदा प्रहरीले छोरीसहित नियन्त्रणमा लिएछ ।’
आरोपितलाई सार्वजनिक अपराध ऐन अन्तर्गत प्रहरी हिरासतमा राखेर अनुसन्धान थालिएको र पिडित यूवतीलाई परिवारको जिम्मा लगाइएको डिएसपी पाण्डेले जानकारी दिनुभयो ।
विष्णुप्रसाद देवकोटा
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD