कञ्चनपुर, २०७७ मङ्सिर ३ गते  माहाकाली नगरपालिका-९ बस्ने २ जनालाई कुटपिट गरी घाइते बनाएको अभियोगमा सोही नगरपालिका-७ बस्ने २२ वर्षीय  बिक्रम बुढा लगायत २ जनालाई मंगलबार दिउँसो प्रहरीले पक्राउ गरेको छ । बिक्रम लगायतका ८ जनाले उनीहरुलाई कुटपिट गरी घाइते बनाएको भन्ने खबर प्राप्त हुनासाथ ईलाका प्रहरी कार्यालय दोधाराबाट खटिएको प्रहरीले कुटपिटमा संलग्न उनीहरुलाई पक्राउ गरेको हो । घाइते दुबै जनालाई प्राथमिक स्वास्थ्य केन्द्र दोधारा हुँदै थप उपचारको लागि माहाकाली अस्पताल रिफर गरिएको छ । कुटपिटमा संलग्न अन्य व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।