2020-11-19
नेत्रविक्रम चन्द विप्लव नेतृत्वको नेपाल कम्युनिष्ट पार्टी पाल्पाका जिल्ला इन्चार्ज पूर्णबहादुर सिंहसहित २ जना पक्राउ परेका छन्। बिहीबार प्रहरीले उनीहरूलाई बुटवलबाट पक्राउ गरेको हो। सांगठनिक कामको सिलसिलामा बुटवल आएका सिंह र पाल्पाका जिल्ला सदस्य मिनबहादुर आलेलाई पक्राउ गरिएको इलाका प्रहरी कार्यालय बुटवलका प्रमुख प्रहरी नायब उपरीक्षक प्रतितसिंह राठौरले जानकारी दिए। उनीहरूबाट विस्फोटक पदार्थ र पार्टीको दस्ताबेजसमेत बरामद भएको राठौरले बताए। विशेष सुराकीको आधारमा बुटवल-७ दिपनगरका निशान भन्ने निरबहादुर विकको कोठामा उनीहरू आएको थाहा पाएपछि प्रहरीको टोलीले पक्राउ गरेको हो। उनीहरूविरुद्ध विष्फोटक पदार्थ शिर्षकमा मुलुकी फौजदारी कार्यविधि संहिता २०७४ को दफा १४ उपदफा ६ बमोजिम मुद्दा चलाउन लागेको छ। उनीहरूलाई ५ दिन हिरासतमा राखी अनुसन्धान गर्न जिल्ला अदालत रुपन्देहीले अनुमति दिएको प्रहरीले जनाएको छ। उनीहरू अहिले ईलाका प्रहरी कार्यालय बुटवलको हिरासतमा छन्।
Violent / Non-violent | Nonviolent |
Primary Form | Arrest (politically significant) |
Primary Cause | Other political issues |
Actor 1 - Number of people | 2 |
Actor 1 - Affiliations | CPN (Chand) and affiliated org |
Actor 1 - Youth | unknown |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |