गण्डकी — फरक क्षमता भएकी बालिकालाई जबरजस्ती करणी गरेको आरोपमा कास्की प्रहरीले एकजनालाई पक्राउ गरेको छ ।

धादिङको त्रिपुरा सुन्दरी गाउँपालिका-४ घर भई हाल पोखरा महानगरपालिका–१६ लामाचौर बस्दै आएका २९ वर्षीय प्रकाश नेपालीलाई शनिबार पक्राउ गरिएको कास्की जिल्ला प्रहरी प्रवक्ता डीएसपी सुवास हमालले जानकारी दिए । 

नेपालीलाई जबरजस्ती करणी कसुरमा आइतबार जिल्ला अदालतबाट ७ दिनको म्याद थप गरिएको उनले बताए । घरमा कोही नभएको मौका पारी डरत्रास देखाई नेपालीले ती बालिकालाई जबरजस्ती करणी गरेको पीडित परिवारले बताएका छन् ।