३७ वर्षीया एकल महिलाले आफू माथि बलात्कार भएको भन्दै जिल्ला प्रहरी कार्यालय दैलेखमा मङ्सिर १६ गते उजूरी दर्ता गराउनुभएको छ ।

आरोपितले आफूलाई मङ्सिर १० गते राति घरमा सुतिरहेको बेला जबर्जस्ती ढोका खोलेर बलात्कार गरेको पीडितले इन्सेक प्रतिनिधिलाई जानकारी दिनुभयो ।

जन्म जात अपाङ्गता भएकी महिलाका पति ३ वर्ष अघि दमको रोगले मृत्यू भएको थियो । स्वास्थ्य दन्दुरुस्त नभएको कारण बलात्कारको बेला प्रतिरोध गर्न नसकेको र ८ वर्षकी ठूली छोरीलाई थाहाभएपछि उसलाई पनि मार्ने धम्की दिएको पीडित महिलाको भनाई छ ।

बलात्कार घटनाका आरोपित आठबीस नगरपालिका–१ का ३० वर्षीय नेत्रबहादुर थापा हाल फरार रहेको जिल्ला प्रहरी कार्यालय दैलेखका इन्स्पेक्टर इन्द्रजीत सुनारले बताउनुभयो ।

अमर सुनार