Incident Reports

युवकको हत्या आरोपमा दुई जना पक्राउ

2020-12-04

Madhes, Parsa, Dhobini, Ward 2

२२ मंसिर, वीरगञ्ज । जन्ति जान हिँडेका युवकको हत्यामा संलग्न रहेको आरोपमा प्रहरीले दुई जनालाई पक्राउ गरेको छ । कालिकामाई गाउँपालिका–१ तीनडोबिया टोलका २२ वर्षीय राजेश पटेल र ३१ वर्षीय सुरेन्द्र पटेल पक्राउ परेका हुन् ।

उनीहरुलाई सँगै जन्ती गएका २६ वर्षीय एमामुल हुसैनको हत्या अभियोग लागेको छ । उनीहरुविरुद्ध सोमबार पर्सा जिल्ला अदालतमा कर्तव्य ज्यान मुद्धामा म्याद थप गरेर अनुसन्धान सुरु गरेको इलाका प्रहरी कार्यालय पोखरीयाका प्रहरी निरीक्षक दिपक थापाले जानकारी दिए ।

धोबिनी गाउँपालिका–१ भिखमपुर जन्ती जान भनी निस्केका उनी बेहुलीको घरमा नपुगेपछि खोजी सुरु गरिएको थियो । तीन दिनपछि धोबिनी गाउँ पालिका– २ स्थित नहरमा उनको शव फेला परेको थियो ।

जिल्ला प्रहरी कार्यालय पर्साको प्रमुख प्रहरी उपरीक्षक गंगा पन्तले आफन्त मार्फत सँगै जन्ती गएका दुई जनालाई प्रहरी कार्यालयमा झिकाएर अनुसन्धान सुरु गरिएको बताइन् । ‘घटना पछि सँगै जन्ति गएका उनीहरु फरार थिए, आफन्त मार्फत बोलाएर अनुसन्धान प्रक्रिया सुरु गरेका छौं,’  उनले भनिन् । ‘ अनुसन्धान पछि बाँकी कुरा खुल्दै जान्छ ।’

Details and Impacts
Violent / Non-violent Violent
Onesided / Twosided Onesided
Collective / Interpersonal Interpersonal
Primary Form Murder/attempted Murder
Weapons Unclear
Primary Cause Other non-economic personal issues (revenge, passion etc.)
Actor 1 - Number of people 2
Actor 1 - Affiliations Citizen/Individuals
Actor 1 - Youth youth
Actor 2 - Number of people 1
Actor 2 - Affiliation (Target) Citizen/Individuals
Actor 2 - Youth noyouth
Total Killed 1
National/Online Media

0 Comments

Related Reports