काठमाडौं, २०७७ मङ्सिर २३ गते     बाँके, नेपालगंज उपमहानगरपालिका-२० मदनापुर बस्ने २८ वर्षीय पुरुषलाई धारिलो हतियार प्रहार गरी घाइते बनाएको अभियोगमा ४ जनालाई सोमबार दिउँसो प्रहरीले पक्राउ गरेको छ । पक्राउ पर्नेहरुमा सोही उपमहानगरपालिका-२० मदनापुर बस्नेरु १९ वर्षीय दिनेश पुरी, १९ वर्षीय धर्म वली, २१ वर्षीय सुरज कुँवर र १९ वर्षीय उमेश घर्ति मगर रहेका छन् । सोही ठाउँस्थित जित कुमार श्रेष्ठको विवाह घरमा नाचगान गर्ने क्रममा विवाद हुँदा ती पुरुषलाई लाठी, चिरपट लगायतले प्रहार गरी घाइते बनाएको घटनामा संलग्न उनीहरुलाई प्रहरीले पक्राउ गरेको हो । उनी उपर ज्यान मार्ने कसूरमा अनुसन्धान भइरहेको जिल्ला प्रहरी कार्यालय बाँकेले जनाएको छ ।