Sukdev Chaudhary
मोरङ । ०७१ जेठ २२ गते
एक ११ वर्षीया बालिकालाई पटकपटक बलात्कार गरी गर्भवती बनाएको आरोपमा प्रहरीले जेठ २१ गते सिद्राहा गाविस-२ का ६५ वर्षीय रौदिलला मण्डललाई गिरफ्तार गरेको छ ।
पीडितका परिवारले जेठ २१ गते इलाका प्रहरी कार्यालय हरैंचामा उजुरीका दिएको थियो । सोही उजुरीका आधारमा आरोपितलाई गिरफ्तार गरी अनुसन्धान प्रकृया अघि बढाइएको डीएसपी प्रभुप्रसाद ढकालले बताए ।
डीएसपी ढकालका अनुसार पीडितको स्वास्थ्य परीक्षण जेठ २२ गते विराटनगरस्थित कोसी अञ्चल अस्पतालमा गरिएको छ । आरोपितले बालिकालाई चकलेट र विस्कुट दिएर फकाउँदै बलात्कार गर्दै आएको आरोपमा पीडित परिवारका सदस्यहरूले प्रहरीमा बयान दिएका छन् ।
सुकदेव चौधरी