2020-12-16
लमजुङ । लमजुङमा ३५ वर्षिय महिलाको हत्या भएको छ । सुन्दरबजार नगरपालिका– ४, साविक– दुराडाँडा गाविस– ८ को चारघरे दुराडाँडामा ३५ वर्षिय धनमाया भुजेलको विभत्स हत्या भएको हो ।
चारघरे गाउँका ध्रुव भुजेलकी श्रीमती ३५ वर्षीया धनमाया भुजेल(मगर)को बुधबार विहान हत्या भएको अवस्थामा शब भेटिएको प्रहरीले जनाएको छ ।
प्रहरीका अनुसार उनका श्रीमान् ध्रुव स्थानीय सुन्दरजार नगरपालिका– ३ को दुराडाँडा स्वाँरा स्थित सुरवी गाई फर्ममा साँझ बिहान सरसफाईको काम गर्ने गर्दथे ।
बुधबार विहान पनि ५.३० बजेतिर उठेर ध्रुव गाई फर्ममा कामका लागि हिँडे । ध्रुवकै भनाई अनुसार उनी काममा जाँदा श्रीमती सुतिरहेकी थिइन् ।
गाई फर्मको काम सकेपछि ध्रुव छिमेकको धारापानी गाउँको एक घरमा दाइँ हाल्ने काममा गए । धु्रवका कान्छा भाइ राजकुमार र जेठा छोरा दाइँ हाल्नका लागि गोरु लिन ध्रुवको घर गए ।
घरको ढोका खुल्लै थियो । पिंढीदेखि आँगनसम्म रगतका टाटा थियो । भाउजु भाउजु भन्दै बोलाए । कोही नबोलेपछि वरपर खोजे ‘भाउँजुलाई नदेखेपछि छिमेकीलाई खबर गरेर दाजुलाई लिन गएको राजकुमारले बताए ।
घरमा रगतको टाटा देखिएपछि छिमेकीले प्रहरीलाई खबर गरे । दुराडाँडा प्रहरी चौकीबाट प्रहरी टोली घट्नास्थल पुग्यो मृतक महिलाको शव आँगनको डिलमा रहेको पुरानो गोवरग्याँसको ट्याँकिमा लुकाएको अवस्थामा फेला पर्यो । महिलाको घाँटीमा उनले ओड्ने गरेको पछ्यौरा कसिएको अवस्थामा थियो भने एउटा आँखा फुटेको थियो ।
पोखराबाट एक प्रहरी टोली टोलीले कुकुर सहित घट्नास्थलमा पुग्यो । कुकुरले पनि हत्यामा संलग्नको भेउ पाउन सकेको छैन ।ध्रुवका श्रीमान् श्रीमती ४ वर्षदेखि चारघरेका उदय अधिकारीको घरको रेखदेख गर्ने काम गरी बस्दै आएको छिमेकीको भनाई छ । ध्रुव वैदेशिक रोजगारीमा रहेको बेलामा तीन छोराछोरीको हेरचाह गरी बसेकी उनकी श्रीमतीले दोस्रो विवाह गरिन् । धु्रवले पनि बैदेशिक रोजगारीबाट फर्केपछि ४ वर्षअघि घनमाया मगरसँग विवाह गरे ।
ध्रुवका जेठीश्रीमतीबाट जन्मेका छोराछोरी हजुरबा आमासँग बस्दै आएका छन् । कान्छी श्रीमतीतर्फ उनीहरुको सन्तान नभएको छिमेकीहरुको भनाई छ ।
तर उनीहरुविच झगडा परेको थाहा नभएको छिमेकीको भनाई छ । मृतकको शब पोष्टमार्टमका लागि जिल्ला सदरमुकाम लगिएको गरेको जिल्ला प्रहरी कार्यालयका प्रमुख गंगाबहादुर थापाले बताए ।
‘घट्ना शंकास्पद छ, हामी अनुसन्धान गर्दैछौं ।’ थापाले भने ‘पोष्टमार्टम रिपोर्ट आएपछि केही क्लु भेटिन्छ ।’ गत वर्षको माघ ११ गते पनि लमजुङकै सुन्दरबजार नगरपालिका– ७ को पाउँदी बजारमा ६० वर्षीया महिलाको रहस्यमय हत्या भएको थियो ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | Sharp weapon |
Primary Cause | Unclear |
Actor 1 - Number of people | N |
Actor 1 - Affiliations | Unclear |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Killed | 1 |
Female Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19