Sukdev Chaudhary
मोरङ । ०७१ जेठ २२ गते
विराटनगर उमनपा-११ की २६ वर्षीया सोफिया खातुनलाई पतिले कुटपिट गरी खान लगाउन नदिइ घरेलु हिंसा गरेको आरोप लगाउँदै पीडितले जेठ २२ गते जिल्ला प्रहरी कार्यालयमा उजुरी दिएकी छन् ।
पति ३० वर्षीय मुन्ना मियाँले जेठ २० गते घरायसी विवाद निकाल्दै खान नदिइ छोराछोरीलाई समेत शिक्षाबाट वञ्चित गराएको भन्दै प्रहरीमा पीडितले दिएको उजुरी उल्लेख गरिएको छ ।
पीडितको उजुरी जिल्ला प्रहरी कार्यालय, महिला तथा बालबालिका सेवा केन्द्रले घरेलु हिंसाअन्तर्गत मुद्दा दर्ता गरेको इन्स्पेक्टर जमुना बस्नेतले बताइन् । घटनामा संलग्न आरोपितलाई प्रहरीमा उपस्थितिका लागि पत्राचारसमेत भई सकेको इन्स्पेक्टर बस्नेतको भनाइ छ ।
सुकदेव चौधरी