प्रतिनिधि सभा विघटनको विरुद्धमा सुर्खेतमा पनि विरोध प्रदर्शन गरिएको छ। नेपाल कम्युनिष्ट पार्टी (नेकपा) सम्बद्ध जनवर्गीय संगठनहरुले सुर्खेतको वीरेन्द्रनगरमा आइतबार विरोध प्रदर्शन गरेका हुन् ।

प्रतिनिधि सभा विघटन गर्नु प्रधानमन्त्री केपी शार्मा ओलीको अवैधानिक, अलोकतान्त्रिक र निरंकुशता भएको भन्दै संगठनहरुले विरोध जनाएका हुन् ।

विरोध प्रदर्शनका क्रममा ‘गणतन्त्र विरोधी हर्कतको प्रतिवाद गरौं’, ‘संसद विघटन खारेज गरौं’, ‘तानाशाह मुर्दावाद’, ‘खड्ग ओलीको प्रतिवादी कदम मुर्दावाद’, ‘नालायक केपी ओली मुर्दावाद’ जस्ता नारा लगाईएको छ।