इनरुवा : कोशी गाउँपालिका-३ का ८० वर्षीय गंगाई दासलाई कुटपिट गरी हत्या गरेको आरोपमा दुई जना पक्राउ परेका छन् । मंगलबार राति अबैध कपडा ओसार पसार गर्ने क्रममा स्थानीय ५५ वर्षीय उदिचन्द मुखिया र ६० वर्षीय कृपा मल्लाहले कुटपिट गर्दा दासको घटनास्थलमा नै मृत्यु भएको बताइएको छ । जिल्ला प्रहरी कार्यालय सुनसरीबाट खटिएको प्रहरी टोलीले दासलाई मृत अवस्थामा फेला पारेको थियो । अनुसन्धान गर्ने क्रममा मुखिया र मल्लाहको संग्लग्नता रहेको भन्ने जानकारी पाएसँगै दुवै जनालाई नियन्त्रणमा लिई थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।