१२ वर्षीया  बालिकालाई सामूहिक बलात्कार गरेको आरोपमा प्रहरीले लुम्बिनी सांस्कृतिक नपा–११ मुग्लाहका १८ वर्षीय  मजिबुर रहमानलाई माघ १४ गते गिरफ््तार गरेको छ ।

पीडितपक्षले  अर्का आरोपित लुम्बिनी सांस्कृतिक नपा–६ तरकुल्लाहका १८ वर्षीय सहिजाद मुसलमान विरूद्ध उजुरी दर्ता गरेको छ ।

पीडितलाई आरोपितहरूले  माघ ७ गते सामूहिक बलात्कार गरेको भन्दै पीडितपक्षले  माघ १४ गते इलाका प्रहरी कार्यालय, लुम्बिनीमा उजुरी दिएका छन् ।

पीडितपक्षको  उजुरीका आधारमा कारबाही अगाडि बढाएकोे इलाका प्रहरी कार्यालय, लुम्बिनीका सइ  डेलम्बर घिमिरेले बताउनु भयो । फरार आरोपित सहिजादको खोजी भइरहेको  प्रहरीले जनायो ।

पीडितको स्वास्थ्य परीक्षण माघ १२ गते भीम अस्पताल, भैरहवामा गरिएको छ ।

रीमा बिसी