काठमाडौं, २० माघ ।

कोरोना भाइरस संक्रमण रोकथाम तथा न्यूनीकरणका लागि अग्रभागमा खटिएका (फ्रन्टलाइनर)लाई सरकारले जोखिम भत्ता दिने घोषणा गरेको थियो ।

सरकारले घोषणा गरेको उक्त जोखिम भत्ता केहीले पाएका छन्, भने केही अझैंसम्म पनि पाएका छैनन् । सोही जोखिम भत्ताको माग गर्दै वीर अस्पतालका चिकित्सकहरु पुनः धर्नामा बसेका छन् ।

कोरोना महामारीको समयमा काम गरेबापत् सरकारले उपलब्ध गराउने भनेको जोखिम भत्ता नपाएको भन्दै वीर अस्पतालका चिकित्सकहरुले इमर्जेन्सीबाहेकका सबै सेवा बन्द गर्ने बताएका छन् ।

मंगलबार (आज) बिहानदेखि धर्नामा बसेका उनीहरुले प्रशासनले समस्या सम्बोधन नगरेसम्म सेवा सूचारु नगर्ने जिकिर गरेका छन् ।