Incident Reports
धादिङबेसीमा दोहोरो झडप दुई आन्दोलनकारी र दुई प्रहरी घाईते
2021-02-03
धादिङ : धादिङबेसीमा बुधबार साँझ प्रचण्ड नेपाल पक्षका कार्यकर्ताहरु र प्रहरी बीच दोहोरो झडप भएको छ। त्यहि क्रममा नेकपा जिल्ला कमिटि सदस्यहरु कृष्ण अर्याल, लक्ष्मण रम्तेल र प्रहरी तर्फ प्रहरी कार्यालय धादिङका प्रहरी निरिक्षक अरुण कुमार कुशवाह र प्रहरी जवान हेमला गुरुङ घाइते भएका छन् ।
घाईते लक्ष्मण रम्तेलको गर्धनमा चोट लागेकोले काठमाडौं ट्रमा सेन्टरमा लगिएको छ भने अन्यको उपचार जिल्ला अस्पताल मै भएको बताईएको छ ।
प्रचण्ड नेपालको केन्द्रिय कार्यक्रम अनुसार नेकपा धादिङले पनि जिल्लाका विभिन्न ठाउँहरुमा मशाल जुलुस प्रदर्शन गरेका थिए । गजुरीमा जिल्ला इन्चार्ज शालिकराम जम्कट्टेल आफैले नेतृत्व गर्नुभएको थियो भने धादिङबेसीमा भएको मशाल जुलुसको समापन गर्ने क्षणमा भने दोहोरो झडप हुन पुगेको थियो ।
सिरानबजाराबाट निस्किएको मसाल जुलुस पुछारबजार पेट्रोल पम्प पुगेर समापन गरिने कार्यक्रम नेकपाले बनाएको थियो प्रहरीले पनि त्यहि बुझेको थियो । तर मशाल बोक्ने युवाहरु पार्टीको तोकेको स्थान भन्दा पर प्रहरीको बीट तर्फ मशाल बोकर पुगेपछि प्रहरीले रोकेको थियो ।
आन्दोलनकारीले प्रहरी सँग मुठभेड गर्न थाले कार्यकर्तालाई संयमित रहन निर्देशन दिन गएका कृष्ण अर्याल र लक्ष्मण रम्तेल समेत प्रहरीको कुटाईमा घाईते हुन पुगे ।
प्रहरी थोरै थिए, भ्यान भाग्यो, हामीले कयौं भाटा हान्यौं, २ जना मात्रै हैन ५–७ जना राम्रै घाईते हुनुपर्ने हो, आफ्नो पहिलो रेकर्ड हो प्रहरीलाई चुटेको एक नेकपा कार्यकर्ताले धादिङपोष्टलाई बताए ।
घाईते रम्तेलले ट्रमा सेन्टरको उपचार पछि हिसाब किताब उचित समयमा आन्दोलन र सडक बाट हुने बताएका छन् । आफ्नो सामाजिक सन्जाल फेसबुकमा पोष्ट गर्दै रम्तेल लेख्छन्ः
प्रतिगमनकारि हरुको हिसाब किताब उचित समयमा आन्दोलन र सडक बाट हुने छ तत्कालि साहि सेनाको AK47 र m16 सङ्ग लडेल आएको जनमुक्ति सेनाको सिपाही हु हरेस खाको छैन शान्तिपूर्ण मसाल जुलुसमा प्रहरिको दमनबाट घाइते भैयौ अहिले थप उपचारको लागि राष्ट्रीय ट्रमा सेन्टर काठमाण्डौ छु ! उपचार पश्चात् थप आन्दोलनमा उच्च मनोबलका साथ सहभागी हुने प्रतिबद्दता ब्यक्त गर्दछु ।
Details and Impacts
| Violent / Non-violent | Violent |
| Onesided / Twosided | Twosided |
| Collective / Interpersonal | Collective |
| Primary Form | Group Clash |
| Secondary Form | Intervention at Protest |
| Weapons | Unclear |
| Primary Cause | Contestation over Constitution and federal restructuring |
| Secondary Cause | Freedom of Assembly |
| Actor 1 - Number of people | 2 |
| Actor 1 - Affiliations | Police |
| Actor 1 - Youth | na |
| Actor 2 - Number of people | 2 |
| Actor 2 - Affiliation | NCP (Nepal Communist Party) and Affiliates |
| Actor 2 - Youth | na |
| Total Injured | 4 |
| Female Injured | 1 |
| Youth Injured | n/a |
