Chetu Sherpa
दिदिङ गाविस-६ घर भई हाल बाह्रबिसे गाविस-६ मा बस्दै आएकी निर्मला विश्वकर्माले पति दीपक, ससुरा रत्नबहादुर र सासूले खानलाउनबाट वञ्चित गरेकोले कारबाही गर्न महिला तथा बालबालिकाको कार्यालयमा असार ५ गते उजुरी दिएकी छन् ।
कार्यालयले आरोपितलाई कारबाहीका लागि भन्दै असार ५ गते पीडितको उजुरी जिल्ला प्रशासन कार्यालयमा सिफारिस गरेको जनायो । सासूससुरा र पतिले असार ३ गते अपशब्द प्रयोग गरी अमानवीय व्यवहार गर्दै खानलाउनसमेत नदिएको पीडितको उजुरीमा उल्लेख छ ।
एक छोरा समेत भएकाले उनले छोराको पालनपोषण र आफूलाई बाँच्नका लागि समस्या भएकाले न्याय दिलाइ दिन माग गरेका छन् । छेटु शेर्पा