काभ्रे : छोराले कोदालाको बिँडले हानेर ५६ वर्षीय बाबुको हत्या गरेका छन् । पाँचखाल नगरपालिका वडा नं ७ होक्सेको जोरपिपलमा ३८ वर्षीय राजु गौतमले आफ्नै बाबुको हत्या गरेको प्रहरीले जनाएको छ ।

जिल्ला प्रहरी कार्यालय काभ्रेका अनुसार राजुले मदिरा सेवन गरेको हत्या गरेका हुन् । उनलाई प्रहरीले पक्राउ गरेको छ । पक्राउ परेका राजु गौतममाथि कर्तब्य ज्यान मुद्दाको कसुर लगाइएको प्रहरीले जनाएको छ । यस अघि पनि राजुले बुवा बलरामलाई प्रेसर कुकरले हानेर घाइते बनाएका थिए ।