बलात्कारसहितका यौन हिंसाको विरोधमा राष्ट्रिय बक्सिङ्ग खेलाडीहरुले काठमाडौँमा सांकेतिक प्रदर्शन गरेका छन् ।काठमाडौँका बक्सिङ्ग क्लबहरुको आयोजनामा सोमबार बिहान बसन्तपुर दरबार क्षेत्रमा महिला बक्सरको सहभागितामा प्रदर्शन भएको हो ।

सहभागीहरुले महिलाहरु कमजोर छैनन् भन्ने सन्देश दिनका लागि बक्सिङ्ग कला प्रस्तुत गरेका थिए । पीडितको न्याय र बलात्कारसहितका अपराधको विरोधमा प्रदर्शन गरिएको आयोजकले जनाएको छ ।

बैतडीमा १७ वर्षीया किशोरी भागरथी भट्टको बलात्कारपछि हत्या भएसँगै देशभर विरोध प्रदर्शन भइरहेका बेला महिला बक्सरहरुले सांकेतिक प्रदर्शन गरेका हुन् ।