DM Chamling Rai
खोटाङ । ०७१ असार ९ गते
एक ५ वर्षीय बालिकालाई बलात्कार गरेको आरोपमा प्रहरीले डाँडागाउँ गाविस-१, का २५ वर्षीय किशोर भुजेललाई असार ९ गते गिरफ्तार गरेको छ ।
दिदीबहिनी घरमा बसिरहेको समय आरोपितले दिदीलाई अभिभावक बोलाउन पठाएर बालिकालाई असार ७ गते बलात्कार गरेको आरोपमा पीडित पक्षले प्रहरी चौकी सप्तेश्वर छितापोखरीमा असार ८ गते उजुरी दिएको थियो ।
उजुरीका आधारमा आरोपितलाई गिरफ्तार गरिएको जिल्ला प्रहरी कार्यालय दिक्तेलका असई मनोज यादवले बताए ।
बालिकाको स्वास्थ्य परीक्षण असार ९ गते जिल्ला अस्पताल दिक्तेलमा भएको छ । बालिकाको अवस्था गम्भीर रहेको असई यादवले बताए । आरोपितलाई सदरमुकाम दिक्तेल ल्याइच्दै गरेको प्रहरीले जनाएको छ ।
डीएम चाम्लिङ राई