पर्साको पटेर्वासुगौली गाउँपालिका–४ अकुवा टोलका १९ वर्षीय अभिषेक दास थारुले फागुन २५ गते गहुँखेतमा घाँस काटिरहेकी २१ वर्षीया महिलालाई जबरजस्ती करणी गर्न खोजेका थिए । तर ती महिलाले प्रतिकार गरी हँसियाले अभिषेकलाई प्रहार गर्न खोजेपछि उनी भागेका थिए । पीडित महिलाले फागुन २६ गते अभिषेकविरुद्ध प्रहरी कार्यालयमा उजुरी दिएकी थिइन् । पीडित महिलाको उजुरीको आधारमा प्रहरीले आरोपित अभिषेकलाई उनको घरबाटै पक्राउ गरेको हो । उनीविरुद्ध जबरजस्ती करणी उद्योग शीर्षकमा मुद्दा दर्ता गरी पर्सा जिल्ला अदालतको आदेशले ७ दिनको म्याद थप गरी थप अनुसन्धान भइरहेको प्रहरी नायब उपरीक्षक खनालले जानकारी दिनुभयो ।