जिल्लाको बारेकोट गाउँपालिका–२, लिम्सामा यातायात मजदुरहरुको दुई समूहबीच झडपहुँदा १ जनाको मृत्यु भएको छ । मृत्यु हुनेमा नलगाड नगरपालिका–४, का ३५ वर्षीय नरेश रावल रहेका छन् ।

जिल्ला प्रहरी कार्यालय जाजरकोटका अनुसार जाजरकोट–डोल्पा यातायात समितिका मजदुरबीच गाडीको रुटको विषयमा विवाद भएपछि झडप भएको हो । झडप पश्चात् रावलको शव बारेकोटकै देउलस्थित खोलामा आज दिउँसो फेला परेको थियो । झडपका क्रममा नलगाड–४, कै सुजन कार्की र विकास रावल गम्भीर घाइते भएका छन् । घटनामा संलग्न भएको आरोपमा ६ जनालाई पक्राउ गरेर सदरमुकामतर्फ ल्याइएको प्रहरीले जनाएको छ।