काठमाडौं, वैशाख २ :

एमाले सांसद झपट रावलले आफू बसको घरमा बुधबार ढुंगा प्रहार भएको बताएका छन्।राज्य व्यवस्था समितिको बिहीबारको बैठकमा बोल्दै सांसद रावलले गएराति १२ बजे आफू बस्ने घरमा पटक-पटक ढुंगा हानिएको बताए। आफूले १०० मा फोन गरेर जानकारी गराउँदा समेत कुनै कारबाही नभएको बताए।

'शान्तिनगरस्थित म बस्ने घरमा ५–१० मिनेटको अन्तरालमा ढुंगा हानिएको थियो। १०० मा फोन गर्दा नि उठेन उनले भने,’ ‘हनुमानढोकाका सुरक्षाकर्मीलाई फोन गरेपछि मात्रै ३५ मिनेटमा प्रहरी आइपुगे।’

सुरक्षा निकायले तत्काल चासो नदेखाएकोबारे गृहमन्त्रीलाई उनले ध्यानाकर्षण गराएका छन्।

रावल कैलालीबाट निर्वाचित सांसद हुन्। एमालेभित्रको अन्तरसंघर्षमा उनी वरिष्ठ नेता माधव नेपालको पक्षमा छन्।