2021-01-23
पीडित परिवारले चार महिनापछि दिएको जाहेरीका आधारमा दुई किशोर पक्राउ
सल्यानमा १४ वर्षीया बालिकामाथि सामूहिक बलात्कार भएको छ । बलात्कारको आरोपमा बनगाड कुपिण्डे नगरपालिकाका दुई किशोर पक्राउ परेका छन् । पीडित पक्षले बालिकालाई बलात्कार गरेको भन्दै जिल्ला प्रहरी कार्यालय सल्यानमा बिहीबार दिएको जाहेरीका आधारमा १६ वर्षीय र १७ वर्षीय किशोरलाई पक्राउ गरेको प्रहरी निरीक्षक अर्जुन पौडेलले जानकारी दिए । चार महिनापछि बलात्कार घटना सार्वजनिक भएको हो ।
कक्षा ८ मा अध्ययनरत पीडित बालिका गत १० माघमा स्कुलबाट घर फर्किइन् । खाजा खाएर स्कुलको होमवर्क सकाएर खाना पकाउन थालिन् । बहिनी खेल्न गाउँघरमा निस्केकाले खोज्न घरबाहिर निस्केकी उनलाई छिमेकी दुई किशोरले नजिकैको गोठमा लगी सामूहिक जबर्जस्ती करणी गरेको पीडित बालिकाले बताइन् ।
सो समयमा बालिकाका आमाबाबु रोजगारीको सिलसिलामा भारतमा थिए । उनी बहिनी र हजुरआमासँग बस्दै आएकी थिइन् । घटनापछि बालिकाको स्वभाव परिवर्तन भएको थियो । एकान्तमा बस्ने र कसैसँग धेरै बोल्न नरुचाउने, रातिको समयमा चिच्याउने गर्न थालेपछि हजुरआमाले धेरै प्रयास गरेपछि मात्र उनले आफूमाथि भएको हिंसा सार्वजनिक गरेकी थिइन् । आरोपितहरूले घटनाबारे कसैलाई भनेमा ज्यान मार्ने धम्की दिएपछि बालिकाले घटनाबारे कसैलाई भन्न नसकेको परिवारले जनाएको छ ।
माघदेखि महिनावारीसमेत नभएकी बालिकाको स्वास्थ्य सेवा कार्यालय सल्यानमा बिहीबार स्वास्थ्य परीक्षण गरिएको छ । रिपोर्ट आउन भने बाँकी छ । आरोपित दुई किशोरलाई हिरासतमा राखी थप अनुसन्धान भइरहेको प्रहरीले जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Sexual Assault |
Weapons | None |
Primary Cause | Rape/sexual assault |
Actor 1 - Number of people | 2 |
Actor 1 - Affiliations | Citizen/Individuals |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | youth |
Total Raped | 1 |
Female Raped | 1 |
Youth Raped | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19