मकवानपुर — हेटौंडा–४ बैंक रोडस्थित जुवाको खालबाट नगदसहित पक्राउ परेका ६ जनालाई जबरजस्ती करणी मुद्दा दर्ता गरिएको छ ।जुवाको खालबाट पक्राउ पर्नेमा पीडित किशोरी पनि थिइन् । किशोरीले आफूलाई बन्धक बनाएर जबरजस्ती करणी गरेको उजुरी दिएकी थिइन् । उजुरीका आधारमा थप एक जनालाई बुधबार बिहान पक्राउ गरेको प्रहरी नायब उपरीक्षक रिमालले जानकारी दिए ।

पक्राउ पर्नेहरुमा ४० वर्षीय रुस्तम कोइराला, ५४ वर्षीय अमर प्रधान, ४० वर्षीय प्रकाश मानन्धर, ३३ वर्षीय विनोद घर्ती र चितवनका ४४ वर्षीय सुरेश पौडेल छन् । उनीहरुमाथि अनुसन्धानका सरकारी वकिलको कार्यालयबाट १० दिनको म्याद थप गरिएको छ ।