विराटनगर / बाटो विस्तारको विवादमा मोरङको जहदा गाउँपालिका अध्यक्ष र उपाध्यक्ष माथि स्थानीय एक युवकले हातपात गरेका छन् । सडक विस्तारको विषयमा विवाद हुँदा गाउँपालिका अध्यक्ष कैलाशप्रसाद मण्डल र उपाध्यक्ष शालो शाहमाथि हातपात भएको हो ।

जिल्ला प्रहरी कार्यालय मोरङका प्रहरी नायव उपरीक्षक मानबहादुर राईका अनुसार जहदा गाउँपालिका– ५ का २९ वर्षीय मदन भनिने माक्स कुमारले हातपातको प्रयास गरेका हुन् । हातपातको प्रयासपछि प्रहरीले उनलाई पक्राउ गरेको छ ।

असार २ गते आक्रमण भएको उजुरी परेपछि असार ३ गते पक्राउ परेका युवकमाथि अभद्र व्यवहार मुद्दामा म्याद थप गरी अनुसन्धान भइरहेको उनले बताए ।