२४ वर्षीया महिलालाई बलात्कार गरेको आरोपमा रामेछाप जिल्ला, खाँडादेवी गाउँपालिका–१, घर भई ललितपुर महानगरपालिका–२३, धापाखेल बस्ने १९ वर्षीय अनुस माझीलाई उनकै निवासबाटै प्रहरीले ०७८ असार ६ गते गिरफ्तार गरेको छ ।पीडित महिलालाई ०७८ जेठ २६ गते राती आरोपित माझीले डरत्रास देखाई पीडितको डेरामा बलात्कार गरेको भन्दै पीडित पक्षले जेठ २७ गते महानगरीय प्रहरी वृत्त सातदोबाटोमा उजुरी दिएको थियो ।

आरोपितलाई असार ६ गते नै ललितपुर जिल्ला अदालतबाट पाँच दिनको म्याद थप गरी हिरासतमा राखि अनुसन्धान थालिएको महानगरीय प्रहरी परिसर जावलाखेलका एसपी प्रज्वल महर्जनले जानकारी दिनुभयो ।

पीडितको स्वास्थ्य परीक्षण असार ६ गते पाटन अस्पतालमा भयो ।

सुनसरी जिल्लामा रहेर मानव अधिकार अभिलेख र प्रसारको काम गर्दै आउनुभएका जयकृष्ण यादव २०७८ जेठ महिनाको उत्कृष्ट प्रतिनिधि घोषित हुनु भएको छ । उहाँ आर्थिक, सामाजिक तथा सांस्कृतिक अधिकारका सवालका साथै समसामयिक मानव अधिकारका समाचार लेख्न रुची राख्नु हुन्छ ।