बेनी नगरपालिका–५,बगुवाखोलास्थित बालजागृति आधारभूत विद्यालयका प्रअ भक्तबहादुर कार्की तीनदिनदेखि सम्पर्कविहिन भएका छन्।

गाउँमा हत्यामा संलग्न भएको आशंका गरिएका युवा भाग्दै गरेको अवस्थामा कुस्माबाट नियन्त्रणमा लिएर अनुसन्धानको क्रममा कुटपिटमा संलग्न भएको अपुरो बयान दिएपछि थप प्रमाण जुटाउन विभिन्न मोडबाट अनुसन्धानलाई अगाडी बढाएको प्रहरीले जनाएको छ।

स्रोतका अनुसार प्रारम्भिक अनुसन्धानले आइतबार विहान साढे ८ देखि ९ बजेसम्मको बिचमा घटना घटेको देखिन्छ। बेपत्ता प्रअ कार्कीसँग निरन्तर झगडा गर्ने, लागूपर्दाथ सेवनकर्तासमेत रहेका आरोपीले बेपत्ता हुनुभन्दा केहीघण्टा अगाडिसमेत विवाद गरेको देखिएकाले विद्यालयको बैद्धिक अपाङ् बसोबास गर्ने आवास हुदै र्पैदलमार्गबाट जाँदै गर्दा बाटोमा प्रहार गरेको घटनामा संलग्न रहेका आरोपीले स्वीकार गरेको प्रनाउ श्यामकुमार राईले बताए। ‘अनुसन्धानमै जुटेका छौ, धेरै प्रमाणहरु जुटिसकेको छ’ प्रनाउ राईले भने।

विद्यालय नजिकै भएको साङ्घातिक आक्रमण पश्चात् हत्या गरी शवलाई म्याग्दी नदीमा फालेर बगाइएको घटनास्थलको प्रारम्भिक अनुसन्धानबाट खुलेको छ। घटनामा संलग्न युवा लामो समयसम्म मलेसियामा बसेर फर्किएपछि भारतमा गएका थिए। बेनी–दरबाङ सडकखण्ड नजिकै रहेको घटनास्थलदेखि म्याग्दी नदीसम्म रगत देखिए पनि हत्यामा संलग्नले आत्महत्याको रुपमा देखाउने प्रयास समेत गरेको देखिन्छ।

बेपत्ता भएपछि फोन गरिएको डिटेलसहित उक्त घटना घटाइएको ठाउँको मोबाइल लोकेसन समेत पत्ता लगाउन सहज हुने छ। प्रहरीले मोवाइलको लोकेसनकै आधारमा समेत हत्या भएको स्थानको तथ्यले पत्ता लगाउने र मोबाइलमा कुराकानीका आधारमा नम्बरबाट लोकेसन हेरिरहेको प्रहरीको भनाइ छ। सदरमुकाम बेनीबजारबाट करिब ३ किलोमिटरमा रहेको विद्यालयमा भएको घटना लगत्तै नदीमा बगाइएकाले खोजीकार्यका लागि गोताखोरको टोली समेत झिकाउन समेत स्थानीयले माग गरेका छन्।

त्यस्तै  म्याग्दीका साहित्यिक संस्थाले समेत शैक्षिक एवम् सामाजिक अभियन्ता भक्त कार्कीको हत्याले समाजले एक असल व्यक्तित्व गुमाएको भन्दै हत्याकाण्डको यथाशीघ्र अनुसन्धान र छानविन गरी दोषीलाई कानूनी कारवाहीको दायरामा ल्याउन प्रहरी प्रशासन समक्ष माग गरिएको छ।

म्याग्दी साहित्यिक समाजका अध्यक्ष धुब्रलाल शर्मा, पुलस्त्य साहित्य प्रतिष्ठानका सचिव अजयमिलन श्रेष्ठ र सूर्यनारायण पुरस्कार संस्थाका अध्यक्ष कृष्ण बानियाँद्धारा जारी विज्ञत्तीमा शैक्षिक एवम् सामाजिक क्षेत्रले अपुरणीय क्षति व्यहोरेको यस दुःखदायी परिस्थितिमा दोषीको पहिचानसँग बेपत्ता कार्कीको खोजीमा समेत सक्रिय हुन अपिल गरिएको छ।

     सम्पादकत्वमा) काठमाडौँ, विराटनगर, नेपालगञ्ज, पोखरा र बुटवलबाट एक साथ प्रकाशन गर्दै आएको छ।