पाेखरा न्यूज । आज बिहान खानेपानीको विषयलाई लिएर एक पुरुषले खन्ती प्रहार गरी कुटपिट गर्दा गोरखामा आमा र छोरी गम्भीर घाइते भएका छन् ।गोरखाको पालुङटार नगरपालिका १ आहालेका ५४ वर्षीय ईश्वर कुमालले सोही ठाँउका ४३ वर्षीय सीतामाया कुमाल उनकी २० वर्षीय छोरी सुस्मितालाई कुटपिट गरेर गम्भीर घाइते बनाएको प्रहरीले जनाएको छ ।

कुटपिटमा संलग्न कुमाललाई नियन्त्रणमा लिएको र घाइतेलाइ उपचारको लागि अस्पताल पठाइएको गण्डकी प्रदेश प्रहरी कार्यालय पोखराले जानकारी दिएको छ ।आमा र छोरी दुबैको अवस्था सिरियस रहेको र घटनाका बिषयमा थप अनुसन्धान भइरहेको कार्यालयका प्रहरी नायव उपरीक्ष श्रवण कुमार बि.क.ले बताउनु भएको छ ।