बुद्ध नेपाली, सिन्धुली ।

सिन्धुलीमाढीमा शनिवार साँझ प्रधानमन्त्री केपी शर्मा ओली नेतृत्वको सरकारका विरुद्ध मसाल जुलुस प्रदर्शन गरिएको छ । प्रधानमन्त्री ओली नेतृत्वको सरकारले दोस्रो पटक असंवैधानिक र अलोकतान्त्रिक रुपमा गरेको प्रतिनिधि सभा विघटन विरुद्ध विभिन्न बिपक्षि गठबन्धनका विद्यार्थी संगठनहरुले सिन्धुलीमा मसाल जुलुस प्रदर्शन गरेका हुन् ।

असंवैधानिक प्रतिनिधिसभाको विघटन, पेट्रोलियम पदार्थ तथा खाद्यान्हको मूल्यवृद्धि, लगायतको विरोध गर्दै सरकारविरुद्ध प्रदर्शन गरिएको नेविसंघ सिन्धुलीमा सभापति उत्पल खड्काले बताउनुभयो । मसाल जुलस प्रदर्शनमा प्रहरीले धरपकट गरेको अध्यक्ष पहाडीको आरोप छ । प्रधानमन्त्री ओलीले दोस्रो पटक पुन प्रतिनिधिसभा विघटन गरेपछि विद्यार्थी संगठनहरुले संयुक्त रुपमा लगातर विरोधका कार्यक्रमहरु गर्दै आएका छन् ।

विद्यार्थीहरुले मसाल बोकेर सिन्धुलीमाढी बजार परिक्रममा गर्दै प्रधानमन्त्री ओलीले गरेको प्रतिनिधिसभा पुनस्थापन गर्न माग गरेका छन् । विद्यार्थी संगठनहरुले गरेको मसाल जुलुस प्रदर्शनमा पार्टीका जिल्ला स्थित शिर्षतहका नेताहरु पनि उत्रिएका थिए ।