खोटाङ — शारीरिक अपांगता भएकी महिलामाथि जबरजस्ती करणी प्रयास गर्ने एक पुरुष पक्राउ परेका छन् ।स्थानीय ३५ वर्षीया महिलामाथि जबरजस्ती करणी प्रयास गर्ने दिक्तेल रुपाकोट मझुवागढी नगरपालिका ६ नेर्पाका ४२ वर्षीय गंगालाल पराजुली पक्राउ परेका हुन् । घरमा बसिरहेकी महिलालाई जबरजस्ती करणीको प्रयास गर्ने पराजुलीलाई पक्राउ गरिएको जिल्ला प्रहरी कार्यालयका प्रवक्ता प्रहरी निरीक्षक अमर गजमेरले जानकारी दिए । उनका अनुसार पराजुलीलाई सात दिनको म्याद थप गरी अनुसन्धान अघि बढाइएको छ ।पीडित महिलाको स्वास्थ्य परीक्षणपछि घर पठाइएको उनले बताए ।