2021-07-14
महादेवा गाउँपालिका–६ ढिकलीकी घरेलु हिंसा पीडित २१ वर्षीया ज्योती साहलाई घाइते अवस्थामा इन्सेक प्रतिनिधि मनोहरकुमार पोखरेलले असार ३० गते राजविराजस्थित गजेन्द्रनारायण सिंह अस्पतालमा भर्ना गराउनु भएको छ ।घाइते भएर राजविराज आउनु भएकी ज्योतीले ५० वर्षीय ससुरा श्रीलाल साह, ४५ वर्षीया सासू दुर्गादेवी साह र २२ वर्षीया नन्द रुबी साहले असार ३० गते कुटपिट गरेको भन्दै इन्सेक प्रतिनिधिलाई फोन गरी सहयोग माग्नु भएपछि उपचारार्थ अस्पताल भर्ना गराएको पोखरेलले बताउनु भयो ।
पीडितको शरीरभरी निलडाम र कानमा चिथोरिएर रक्ताम्य भएको थियो । पीडित महिलाको उपचार इन्सेक प्रतिनिधिको पहलमा निःशुल्क गरिएको छ ।महिनावारी भएर पेट दुखेकाले दिउँसो सुतेको बेला आरोपितहरूले सुतेर खाने भन्दै कुटपिट गरेको पीडितले बताउनु भयो । पीडितका २८ वर्षीय पति पिकेश्वर साह हाल काठमाडौँमा व्यापार गर्ने गरेको पीडितले बताउनु भयो ।सामाजिक परम्परा अनुसार ०७४ वैशाख ११ गते विवाहिता पीडितको साढे एक वर्षीय छोरा छन् ।
ज्योतीको स्याहारका लागि सिरहा जिल्ला लहान नपा–२० हरिनगराबाट पीडितकी आमा र बुबा साँझ राजविराज आइपुग्नु भएको छ ।घरेलु हिंसाबारे पीडितकी आमा सुनिता साहले जिल्ला प्रहरी कार्यालयको महिला, बालबालिका तथा ज्येष्ठ नागरिक सेवा केन्द्रमा असार ३० गते उजुरी दिनु भएको छ ।
सेवा केन्द्रका सई गङ्गाराम चौधरीले असार ३१ गते पीडितको घाउजाँच परीक्षण गराउने बताउनु भएको छ ।यसअघि पीडितले घरेलु हिंसा भएको भन्दै ०७५ फागुन २७ गते जिल्ला प्रहरी कार्यालयमा उजुरी दिनुभएको थियो । पटक–पटकको प्रयासमा ०७५ चैत २० गते सहमति भएको थियो ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (large group) |
Weapons | None |
Primary Cause | Domestic violence |
Actor 1 - Number of people | 3 |
Actor 1 - Affiliations | Family/relative |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Family/relative |
Actor 2 - Youth | youth |
Total Injured | 1 |
Female Injured | 1 |
Youth Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19