१५ वर्षीया बालिकालाई बलात्कार गरेको आरोपमा पीडित पक्षले पाँचखपन नगरपालिका–२ का ७१ वर्षीय भक्तबहादुर तामाङविरूद्ध असार २० गते जिल्ला प्रहरी कार्यालयमा उजुरी दिएको छ ।पीडित बालिकालाई आरोपितले जेठ १० गते बलात्कार गरेको आरोपमा पीडित पक्षले आरोपितविरूद्ध प्रहरीमा उजुरी दिएको जिल्ला प्रहरी कार्यालयका इन्स्पेक्टर कविन राईले इन्सेक प्रतिनिधिसँगको फोन सम्पर्कमा बताउनु भयो ।

पीडित पक्षको उजुरी लगत्तै फरार भएका आरोपितको खोजी भईरहेको इन्स्पेक्टर राईले बताउनु भयो । घटनास्थल ताप्लेजुङको सीमा क्षेत्रमा भएकाले पीडित पक्षले ढिलो गरी प्रहरीमा उजुरी दिएको इन्स्पेक्टर राईको भनाइ छ ।पीडित बालिकाको स्वास्थ्य परीक्षण जिल्ला अस्पतालमा असार २१ गते गरिएको छ ।