१४ साउन, जनकपुरधाम । धनुषाको शहीदनगर नगरपालिकामा दुई साताभित्र दुईजना युवक मारिएका छन् । एक जनाको हत्याका कारण बाहिर नआउँदै अर्का युवकको हत्या भएको छ ।पछिल्लो पटक नगरपालिकाको वडा नम्बर ३ गोठकुहाका एक युवकको हत्या भएको छ । २१ बर्षीय गोबिन्द यादवलाई उनकै साथीहरुले हत्या गरेका छन् ।टाउको, छातीसहित शरीरका बिभिन्न ठाउँमा चोट लागेको अवस्थामा घर नजिकैको सडक छेउमा फेला परेका उनलाई उपचारका लागि विराटनगर लग्दा त्यहीं मृत्यु भएको छ ।घट्नामा संलग्न भएको आशंकामा प्रहरीले चार जनालाई नियन्त्रणमा लिएको छ । उनीहरुलाई नियन्त्रणमा लिएर घट्ना सम्बन्धमा थप अनुसन्धान गरिरहेको डीएसपी मिश्रले बताए ।

शहीदनगर नगरपालिकाकै वडा नम्बर ९ का एक युवकको दुई साताअघि हत्या भएको थियो।दुई साताभित्रै दुई जना युवकको हत्या हुनु दुःखद भएको शहीदनगर नगरपालिकाका समाजसेवी विनोद रोहिता बताउँछन् । रक्सी र लागूऔषधका कारण युवाबीच झगडा हुनेदेखि कुटाकुटको स्थिति भइरहनु पनि यस्ता घट्नाको कारण भएको उनको बुझाइ छ ।