2021-08-02
Sudurpashchim, Darchula, Byas
भारतीय सीमा सुरक्षा बल (एसएसबी)ले दार्चुलामा तुइन काटेर एक जना नेपाली युवाको हत्या गरेको घटनाको बयान फेर्न प्रत्यक्षदर्शीलाई धम्की दिएको छ।
सरकारले बनाएको वार्ता टोली सोमबार प्रत्यक्षदर्शीलाई दार्चुलाको सदरमुकाम खलंगा बोलाएपछि भारतीय सुरक्षा फौज एसएसबीले बयान फेर्न दबाब दिएर फोन गरेको दार्चुलाको व्यास नगरपालिका-२ का वडाध्यक्ष धिरनसिंह बुढाथोकीले जानकारी दिए।
रेडियो थाहासञ्चारको नियमित कार्यक्रम द न्यूज प्लसमा कुरा गर्दै बुढाथोकीले भने, ‘हिजो बयानका लागि बोलाएका एकजना प्रत्यक्षदर्शीलाई भारतीय सुरक्षा फौजले फोन गरेर बयान फेर्नू नत्र राम्रो हुँदैन भन्दै धम्की दिए।’ उनले भने, ‘भारतीय सुरक्षा फौजको खलंगा बजारमा बाक्लो उपस्थिति छ। जताततै खानतलासी एसएसबीले गरिरहेको छ।’
अध्यक्ष बुढाथोकीका अनुसार उनीहरुले यो घटनालाई झूटो सावित गर्न विभिन्न पत्र पत्रिकामा गलत समाचार भारतीय सञ्चारमाध्यमले लेख्न थालेका छन्।
महाकाली नदीमा तुइन तर्ने क्रममा बेपत्ता भएका जयसिंह धामीको घटनाबारे अनुसन्धान गर्न हिजो प्रत्यक्षदर्शी तीन जनालाई जिल्ला सदरमुकाम खलंगा ल्याइएको छ। दार्चुलाका सहायक प्रमुख जिल्ला अधिकारी ज्योत्सना भट्ट जोशीका अनुसार तुइन तर्दै गर्दा देख्ने तीन जना प्रत्यक्षदर्शीलाई जिल्ला प्रशासन कार्यालयमा ल्याइएको हो।
गत असार १५ गते दार्चुलाको व्यासबाट भारतको पिथौरागढको बाटो हुँदै जिल्ला सदरमुकाम खलंगा आउन लाग्दा स्थानीय ३३ वर्षीय धामी महाकालीमा बेपत्ता भएका थिए। अस्थायी तुइनबाट पिथौरागढको बाटो हुँदै सदरमुकाम जान लागेका उनलाई तुइन तर्दै गर्दा भारतीय सीमा सुरक्षा बल एसएसबीले तुइन काटिदिएर ‘हत्या’ गरेको थियो। तर भारतीय सुरक्षाकर्मी भने यो घटनालाई झुटो भन्दै आएको छ।
सरकारले यस घटनाको छानबिन गर्न तीन सदस्यीय छानबिन टोली गठन गरेको छ। टोली हिजोनै दार्चुला पुगेर काम थालेको गृह मन्त्रालयले जनाएको छ।
नेपाल र भारतकाे सीमा क्षेत्र व्यासका स्थानीय नेपाली भूमी हुँदै सदरमुकाम आउने बाटो नहुँदा भारतीय बाटाे हुँदै सदरमुकाम आउने गर्छन्।
Violent / Non-violent | Nonviolent |
Primary Form | Threat/intimidation |
Primary Cause | Other non-economic personal issues (revenge, passion etc.) |
Actor 1 - Number of people | N |
Actor 1 - Affiliations | Foreign State |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | unknown |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance