युवतीलाई जबर्जस्ती करणी गरेको आरोपमा पोखराबाट प्रहरीले एक जना युवकलाई पक्राउ गरेको छ । स्याङजा घर भइ पोखरा बस्दै आएका युवाले २६ वर्षीया युवतीलाई डर, त्रास र धाक धम्की देखाएर जबर्जस्ती करणी गरेको अभियोगमा प्रहरीले पक्राउ गरेको हो ।

स्याङजा अर्जुन चौपारी घर भइ हाल पोखरा –१७ बिरौटा बस्दै आएका ३६ वर्षीय ख्यामबहादुर घर्तीलाई पक्राउ गरेको प्रहरीले जनाएको छ । युवतीलाई पोखरा लेकसाइड खहरेमा रहेको एक होटलमा लगी जबरजस्ती करणी गरेको भन्ने जाहेरीको आधारमा उनलाई पक्राउ गरिएको जिल्ला प्रहरी कार्यलय कास्कीका प्रहरी प्रवक्ता एवं डिएसपी सुवास हमालले जानकारी दिए ।