काठमाडौँ– नेकपा एमाले केपी शर्मा ओली निकट युवा संघले सरकारविरुद्ध प्रदर्शन गरेको छ।सरकारले भूमि सम्बन्धी समस्या समाधान आयोग खारेज गरेको विरोधमा युवा संघले प्रदर्शन गरेको हो। युवा संघले काठमाडौँको बालाजु, सामाखुसी, नयाँ बसपार्क क्षेत्रमा र्‍यालीसहित प्रदर्शन गरेको हो।

र्‍यालीपछि बालाजुको माछापोखरी चोकमा सभा गर्न खोज्दा प्रहरीले हस्तक्षेप गरेपछि प्रदर्शनमा सहभागीहरुले नयाँ बसपार्कतर्फ जाने सडकमै कोण सभा गरेका थिए।प्रदर्शनका क्रममा भूमि सम्बन्धी समस्या समाधान आयोग खारेज बदर गर्न उनीहरुले माग गरेका छन्।