2021-08-13
सप्तरी, राजविराज । गजेन्द्र नारायण सिंह अस्पतालको आकस्मिक कक्षको वेड न. ३ मा ४४ वर्षिया राघोदेवी चौधरी र २० न. वेडमा उनका ४९ वर्षिय पति धर्मनाथ घाइते अवस्थामा पल्टिरहेका छन् ।
चौधरी दम्पत्ति भर्ना भएको शनिबार दुई दिन पुगेको छ । सप्तरीको बोदेबरसाइन नगरपालिका ७ निवासी राघोदेवीको खुट्टा भाचिएको छ भने धर्मनाथको टाउको फुट्नुका साथै शरीरको विभिन्न भागमा चोट छ ।
डा. सन्दिप साहका अनुसार धर्मनाथको टाउकोमा ८ वटा टाका लगाइएको छ । टाउकोमा गम्भिर चोट देखिएकाले सिटि स्क्यान गरिएको तथा रिपोर्ट आउन बाँकी रहेको उनले बताए ।
उनीहरुको यस्तो अवस्था आफ्नै सहोदर दाजु रामदेव चौधरी र उनको परिवारले गरेको कुटपिटबाट भएको हो । प्रहरीले उनका दाजु रामदेवलाई शुक्रबार साँझ पक्राउ गरेको छ ।
विवादित जग्गामा बाख्रा चराउने विषयमा धर्मनाथका र रामदेवका पत्निबीच विवाद सुरु भएको थियो । विवादमा दुबै पक्षका पुरुष सदस्य पनि सहभागि भएपछि विवादले उग्र रुप लिएको थियो ।
सोही क्रममा झडप हुँदा दाजु पक्षको कुटाइबाट धर्मनाथ र राघोदेवी घाइते भएको इलाका प्रहरी कार्यालय बोदेबरसाइनका सई जयप्रकाश साहको कथन छ । बाख्रा चराएको जग्गामा विगत ६ महिनादेखी दाजु रामदेव र भाई धर्मनाथबीच विवाद रहदै आएको छ ।
धर्मनाथले भने पत्नि राघोलाई बोक्सी भन्दै कुटपिट गर्न आएको बेला बचाउन जाँदा दाजुसहितका पक्षले आफूलाई पनि कुटपिट गरेको बताएका छन् ।
दाजु पक्षले भने जग्गा सम्बन्धी पुरानै विवाद रहेको र सोही विषयमा आफूहरुमाथी आक्रमणको प्रयास हुँदा प्रतिकारको क्रममा उनीहरु घाइते भएको दाबी गरेका छन् । घटनाबारे आवश्यक अनुसन्धान भइरहेको जिल्ला प्रहरी कार्यालय सप्तरीले जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | None |
Primary Cause | Access/control of private land |
Actor 1 - Number of people | 3 |
Actor 1 - Affiliations | Family/relative |
Actor 1 - Youth | noyouth |
Actor 2 - Number of people | 2 |
Actor 2 - Affiliation (Target) | Family/relative |
Actor 2 - Youth | noyouth |
Total Injured | 2 |
Female Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance