१६ वर्षीया बालिकालाई यौन दुर्व्यवहार गरेको आरोपमा प्रहरीले मष्टा गाउँपालिका–२ का १९ वर्षीय राजेन्द्र बि.कलाई भदौ ७ गते गिरफ्तार गरेको छ ।धाराबाट पानी भरेर घर आउदै गरेको अवस्थामा यौन दुर्व्यवहार गरेको आरोपमा पीडित पक्षले भदौ ५ गते घटनाका सम्बन्धमा जिल्ला प्रहरी कार्यालयमा मौखिक जानकारी गराएका थिए ।

पीडित पक्षले दिएको मौखिक जानकारीका आधारमा आरोपितलाई भदौ ७ गते घरबाटै गिरफ्तार गरी अनुसन्धान भइरहेको जिल्ला प्रहरी कार्यालय, बझाङका इन्स्पेक्टर कमलप्रसाद चौधरीले इन्सेक प्रतिनिधिसँगको भेटमा बताउनु भयो ।पीडितको स्वास्थ्य परीक्षण भदौ ५ गते जिल्ला अस्पतालमा गरिएको प्रहरीले जनायो ।