2021-09-03
काठमाडौंको कालिमाटीमा नेपालगञ्ज घर भएका हेमराज शाहीलाई एउटा समूहले दिनदहाडै खुकुरी हान्यो । भदौ १८ मा दिउँसो साढे २ बजे तरकारी बजार पछाडिको क्लब गल्लीमा खुकुरीको शिकार भएका शाही ट्रमा सेन्टरमा उपचार गराइरहेका छन् ।
घटना भएको ११ दिनपछि महानगरीय अपराध महाशाखाले अभिमानसिंह बस्नेतलाई पक्राउ गरेको छ । बुधवार राति सीतापाइलाबाट पक्राउ गरिएका अभिमानसिंह गुण्डा नाइके समिरमानसिंह बस्नेतका भतिजा हुन् । २०७४ असोजमा नयाँ बानेश्वरमा निर्माण ब्यवसायी महासंघका तत्कालीन अध्यक्ष शरद गौचन हत्या अभियोगमा समिरमान पुर्पक्षका लागि थुनामा छन् ।
खुकुरी हानेको घटनामा संलग्न भएको आरोपमा महानगरीय प्रहरी परिसर काठमाडौंको टोलीले भदौ २१ मा ३ जना युवतीलाई पक्राउ गरेको थियो । पक्राउ पर्नेमा मनु लामा र सानिया लामासहित ३ जना छन् । उनीहरुलाई सार्वजनिक हितविरुद्धको मुद्दामा म्याद लिएर अनुसन्धान भइरहेको महानगरीय प्रहरी परिसर काठमाडौंका प्रवक्ता (एसपी) रमेश बस्नेतले रातोपाटीलाई बताए ।
यस्तो थियो घटना
काठमाडौंभन्दा पहिले नेपालगञ्जमा खुकुरी प्रहारको घटना भएको थियो । लागुऔषध कारोबार गर्ने जेन शाहको समूहलाई हेमराजले नेपालगञ्जमा खुकुरी हानेर काठमाडौं आएका थिए । शाहीविरुद्ध नेपालगञ्ज प्रहरीले ज्यान मार्ने उद्योग मुद्दा दर्ता गरेको छ ।
नेपालगञ्जको खुकुरी प्रकरणको बदला लिन जेन शाहले सिन्धुपाल्चोकका सोमन श्रेष्ठ उर्फ च्याँखेसँग मिलेर हेमराजलाई खुकुरी हान्ने योजना बनाए । ललितपुरको ग्वार्को र टीकाथलीमा फ्ल्याट लिई ३ जना युवतीलाई राखेर उनीहरुले हेमराजलाई समाजिक सञ्जालमार्फत फिसिङ गरेका थिए ।
भदौ १८ मा मनु लामाले फेसबुकमा च्याट गरेर भेट्न आग्रह गरेपछि हेमराज कालीमाटीमा गए । त्यहीँ लुकेर बसेका चार–पाँच जना युवाले उनलाई खुकुरी हानेर भागे । मनु लामा र सोनियाको साथबाट प्रहरीले ३ वटा खुकुरी बरामद गरेको छ ।
खुकुरी हान्ने कार्यमा संलग्न मुख्य आरोपीहरु फरार छन् । अभिमानसिंह बस्नेतले खुकुरी हान्ने समूहलाई संरक्षण गरेको अनुसन्धानमा संलग्न एकजना प्रहरी अधिकृतले रातोपाटीलाई बताए ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | Sharp weapon |
Primary Cause | Other non-economic personal issues (revenge, passion etc.) |
Actor 1 - Number of people | 8 |
Actor 1 - Affiliations | Citizen/Individuals |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | na |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance