ललितपुरको गोदावरी नगरपालिका–७ स्थित देविचौरमा एक जना पुरुषको हत्या भएको छ । मकवानपुर थिंगनका २८ वर्षीय राजकुमार ब्लोनको हत्या भएको प्रहरी चौकी टिकाभैरबले जनाएको छ । चौकी इञ्चार्ज नरेन्द्रप्रसाद बडुका अनुसार ब्लोनको घाँटी रेटेर हत्या भएको हो । मृतकको टाउकोमा समेत खुकुरी प्रहार भएको प्रहरीको अनुमान रहेको छ । प्रहरीले घटनास्थल नजिकै खुकुरीको बिँड समेत बरामद गरेको छ । प्रहरीले मृतककै साढ भाई नाता पर्ने देविचौरका ३० वर्षीय श्यामकुमार सिंतानलाई पक्राउ गरेको छ ।