१७ वर्षीया बालिकालाई बलात्कार गरेको आरोपमा प्रहरीले क्वहोलासोथार गाउँपालिका–३ निवासी २४ वर्षीय अमल घलेलाई ०७८ असोज १२ गिरफ्तार गरेको छ । पीडितलाई आरोपितले ०७८ वैशाख १ गते घरमा कोही नभएको बेला  बलात्कार गरेको भन्दै पीडित पक्षले आरोपितविरुद्ध जिल्ला प्रहरी कार्यालय लमजुङमा उजुरी दिएको जिल्ला प्रहरी कार्यालय लमजुङका डिएसपी कृष्णबहादुर कार्कीले बताउनुभयो । पीडितलाई आरोपितले दवाबमा राखेर डर धम्की दिएको कारण घटना बाहिर नआएको पीडित पक्षले दिएको उजुरीमा उल्लेख गरिएको उहाँले बताउनुभयो । पीडित पक्षको उजुरीपछि आरोपितलाई सोही दिन गिरफ्तार गरी घटनाको अनुसन्धान भइरहेको छ । पीडितको स्वास्थ्य परीक्षण ०७८ असोज १३ गते जिल्ला सामुदायिक अस्पतालमा भयो ।