काठमाडौं- सिके राउत नेतृत्वको जनमत पार्टीका नेता तथा कार्यकर्ताले प्रदेश २ का मुख्यमन्त्रीको कार्यालय घेराउ गरेको छ। सोमबार सो पार्टीका कार्यकर्ताले जनपुरस्थित कार्यालयमा नाराबाजीका साथ घेराउ गरेका हुन्। मुख्यमन्त्री लालबाबु राउतद्वारा सञ्चालित 'बेटी बढाऊ, बेटी बचाऊ' अभियान अन्तर्गत खरिद गरेको साइकलमा अनियमितता भएको उजुरी परेपछि छापा मारिएको हो। जनमत पार्टीका कार्यकर्ताहरुले मुख्यमन्त्रीले राजीनामा दिनुपर्ने माग गरेका छन्। उनीहरुले भ्रष्टाचारीलाई कारबाही गर्नुपर्ने बताएका  छन्।