Arjun Basnet
झापा । ०७१ साउन २० गते
६ वर्षीया एक बालिकालाई बलात्कार प्रयास गरेको आरोपमा बाहुनडाँगी गाविस -१ का ७५ वर्षीय हर्कबहादुर दर्जीविरुद्ध ०७१ साउन २० गते इलाका प्रहरी कार्यालय काकरभिट्टामा उजुरी दर्जा भएको छ ।
घटनाविवरण अनुसार आरोपित दर्जीले पीडित बालिकालाई ०७१ साउन १८ गते बिहान बलात्कार प्रयास गरेको प्रारम्भिक अनुसन्धानमा खुलेको इलाका प्रहरी कार्यालय काँकरभिट्टाका असई नवराज थापाले बताएका छन् । आजै बालिकाको मेची अञ्चल अस्पताल भद्रपुरमा मेडिकल परीक्षण भएको असई थापाले बताए । आरोपित फरार रहेकोले खोजी कार्य भइरहेको उनले बताएका छन् ।
अर्जुन बस्नेत