काठमाडौँ — दक्षिणकाली नगरपालिका–६ कमलपोखरीस्थित स्थानीय हरिकृष्ण श्रेष्ठको गोठमा काम गर्ने अन्दाजी ५० वर्षीय गोजे राई शंकास्पद अवस्थामा मृत फेला परेका छन् । महानगरीय प्रहरी वृत्त कीर्तिपुरका प्रमुख डीएसपी ठाकुर पोखरेलका अनुसार मृतक राईको टाउकोमा गहिरो चोट छ । मंगलबार बिहान गोठको खाटमै रगताम्य अवस्थामा राईको शव फेला परेको प्रहरीले जनाएको छ । राईको हत्या भएको हुनसक्ने प्रहरीले आशंका गरेको छ । मृतकसँगै बस्ने पासाङ शेर्पा फरार छन् । घटनाको विषयमा अनुसन्धान भईरहेको डीएसपी पोखरेलले बताए ।