काठमाडाैंः अधिवक्ता भूमिनन्द चुडालमाथि हातपात भएकाे छ। अधिवक्ता विराट न्यौपानेले नेपाल बार एसाेसिएसन परिसरमा चुडाललाई पिटेका हुन्। चुडालले इजलास सुचारु हुनुपर्ने र न्यायालय बन्धक हुँदा अधिवक्ता समस्यामा परेको बताएका थिए। त्यसपछि मिडियामा न्यायालयविरुद्ध बाेलेकाे र द्वन्द्वकालका मुद्दा हेरेकाे भन्दै उनलाई न्याैपानेले हातपात गरेका हुन्।

'मेरो कोट च्यात्तिएको छ। बहस गर्न आएको थिएँ। अब म कानूनी प्रक्रियामा जान्छु', चुडालले भने।

चुडालले २०६२ सालमा माओवादी पक्षको मुद्दा हेरेका थिए। ०६२ सालमा राज्यपक्षले ४ जना व्यक्तिहरू आतंककारी भएकाे भन्दै मुद्दा चलाएको थियो। त्यस मुद्दामा उनले विपक्षीको तर्फबाट बहस गरेका थिए।