काठमाडौंः श्रीमतीको हत्या गरेको अभियोगमा प्रहरीले एक जना पुरुषलाई नियन्त्रणमा लिएको छ। ४५ वर्षीया कोपिला थापाको कुटपिट गरी हत्या गरेको अभियोगमा भीरकोट नगरपालिका-६ फोक्सिङ बस्ने ५० वर्षीय डबलबहादुर थापालाई बिहीवार साँझ प्रहरीले पक्राउ गरेको प्रहरीले जानकारी दिएको छ। डबलबहादुरले कुटपिट गर्दा कोपिला गम्भीर घाइते भएको भन्ने खबर पाएपछि प्रहरी चौकी दहथुम र वडा प्रहरी कार्यालय वालिङबाट खटिएको प्रहरीले घाइतेलाई उपचारका लागि प्राथामिक स्वास्थ्य केन्द्र वालिङ पठाएको थियो। त्यहीँ उपचारका क्रममा उनको मृत्यु भएको हो। यस सम्बन्धमा प्रहरीले थप अनुसन्धान गरिरहेको छ।