आफ्नै साथीलाई खुकुरी प्रहार गरेर फरार भएका आरोपी समाउन गएका नेपाल प्रहरीका सई पदम अवस्थीमाथि शनिबार मध्यराती खुकुरी प्रहार भएको छ । उनी महानगरीय प्रहरी प्रभाग धर्मस्थलीमा कार्यरत छन् । उनको टाउकोमा गंभिर चोट लागेको छ । उनको नेपाल प्रहरी अस्पतालमा उपचार भइरहेको छ ।

प्रहरीका अनुसार शनिबार मध्यराती काठमाडौं तार्केश्वर नगरपालिका शेषमति लामबगरमा दुई युवाबीच विवाद हुँदा रामेछापका शनि तामाङले दोलखाका सुवाष तामाङलाई खुकुरी प्रहार गरेका थिए । पक्राउ परेका शनिलाई महानगरीय प्रहरी वृत्त बालाजुको हिरासतमा राखिएको छ । यस्तै शनिले प्रहार गरेको खुकुरी लागेर घाईते भएका सुवासको राष्ट्रिय ट्रमा सेन्टरमा उपचार भइरहेको छ ।