2022-05-11
Karnali, Rukum West, Chaurjahari, Ward 10
२९ वैशाख रुकुम । रुकुमपश्चिमको चौरजहारी नगरपालिका वडानम्बर १० मा बुधबार राति माओवादी केन्द्रका उम्मेदवार कुटिएका छन् ।
कांग्रेसका कार्यक्रताले माओवादीका वडा सदस्यका उम्मेदवारसहित पाँच जनामाथि कुटपिट गरेका छन् । मााओवादी केन्द्रको तर्फबाट वडा सदस्यका उम्मेदवार तुल्सीराम बुढासहित जुद्धबहादु घर्ती, कमल केसी, हरिबहादुर रोकाय र सौगात रोकायलाई कुटपिट गरेका हुन् ।
अरु वडाका मान्छेहरु समेत बोलाएर कांग्रेसका वडाध्यक्षका उम्मेदवार गणेशमान डाँगी नेतृत्वको टोलीले आफूहरुमाथि कुटपिट गरेको घाइते वडा सदस्य बुढाले बताए ।
कांग्रेस कार्यकर्ताले माओवादी केन्ऽको तर्फका वडाध्यक्षका उम्मेदवार वीरेन्द्र रोकाय र सौगात रोकायलाई ४/५ घण्टा बन्धक बनाएका थिए । पछि नेपाल प्रहरी र सशस्त्रप्रहरीले उनीहरूलाई उद्दार गरेको थियो ।
प्रहरीले कांग्रेसको वडाध्यक्षका उम्मेदवार डाँगी र माओवादीको वडाध्यक्ष उम्मेदवारलाई चौरजहारी लिएर छाडेको छ ।
कांग्रेसले भने माओवादी कार्यकर्ताहरू ले पैसा बाँडेको भन्दै नियन्त्रणमा लिएर प्रहरीलाई बुझाएको बताएको छ ।
प्रहरी चौकी सर्केनाबाट खटिएको प्रहरी टोलीले कांग्रेस कार्यकर्ताले घरभित्रथुनेर राखेको अवस्थामा हतियारसहित माओवादी कार्यकर्तालाई नियन्त्रणमा लिएको काग्रेसको दाबी छ ।
नेपाली कांग्रेसका डिल्ली केसी, लालबिर ओली र डायमन केसीसमेत घाइते भएको कांग्रेसले जिल्ला सभापति प्रेमप्रकास वलीले बताए ।
घटनामा घाइतेहरुको चौरजहारी अस्पतालमा उपचार भैरहेको र सबैको अवस्था सामान्य रहेको प्रहरीले जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Collective |
Primary Form | Assault (small group) |
Weapons | Unclear |
Primary Cause | Election-related incident |
Secondary Cause | Contestation between Parties |
Actor 1 - Number of people | N |
Actor 1 - Affiliations | Nepali Congress and affiliated org |
Actor 1 - Youth | unknown |
Actor 2 - Number of people | N |
Actor 2 - Affiliation (Target) | CPN (Maoist Center) and affiliated org |
Actor 2 - Youth | na |
Total Injured | 3 |